Muaj ib hnub hauv kuv lub neej, kuv tau ntsib ib tug nus hmoob xeem tsab....Kuv paub nus ib pliag, nrog nws tham tsis tau ntev, cas hnub ntawv cia li tig los mus ua hnub wb ob leeg muaj kev sib hlub uas tso tsis tau tseg......
Hnub tim ib, nws nug kuv npe thiab xeem hmoob dab tsi, hnub tim ob nws nug txog ntawv kuv tus kheej tias nyiam dab tsi, hos hnub tim peb nws hais rau kuv tias, nws xav ua kuv tus phooj ywg...vim yog kuv hais tau lus ntxim nws siab....hnub tim 4, 5, thiab 6 wb pib muaj kev hlub nyob rau hauv nruab siab....xav tsis txog tias txoj hmoov dab tsi cas zoo ua luaj thiaj los mus paub ib tug hluas txhawj hais lus thiab txhawj xav npawm no...
Ntau hli dhua mus, kev sib hlub loj lawm zuj zus...kuv nplooj siab pib nco txog nws...kuv xav txog nws txhua lub sij hawm...kuv txoj kev kawm los kawm tau mus zoo heev....txhua txhua yam hauv kuv lub neej tshav ntuj lawm ob peb xyoo....
Txhua xyoo tus hluas hmoob tsab tuaj saib kuv, ua rau kuv zoo siab tshaj qhov yuav muab coj los sau ua dab neeg hais, nrog nws ua ke, tham lus luag ntxhis, thawm nws paug kuv, ua rau kuv ib ce tuag tag...kuv nplooj siab yaj ntsis, thawm ntawv lub siab xav tias sim neej no yog kuv tau koj ntshe, kuv yuav los ua ib tug zoo niam tsev, los tab lub neej mus kom kawg keeb.....
Ntawv tus nus xeem tsab, hauv nws lub siab los tsuas yog muaj kuv thiab xwb...nws los kuj hlub kuv li qhov kuv hlub nws ib yam, txhua yam wb yeej tham thaib hais tseg rau lub neej yav pem suab tag...wb tej kev cia siab thiab yam uas wb ntshaw wb yeej coj lus tseg lawm tias yuav ua kom tau...
Tau ib ob xyoo tom qab, nyob tsis ntev tsis muaj pes tsawg hnub, zoo li kuv lub siab pib txhawj thiab nyuaj siab zuj zus...kuv txoj kev hlub tseem ruaj li qhov qub, kuv txoj kev nco tseem nyob khov kho...kuv txoj kev xav tseem xav muaj nws ib leej xwb....
Tiam sis zoo li lub hnub uas ploj lawm zuj zus mus es sov tag kis nws puas tshav ntuj ci li qhov qub, kuv lub siab xav ntsoov li ntawv....ua cas kev hlub zoo ntawv kuv tsis tau hloov es tos nco xwb hnov nws hais rau kuv tias tu nws siab heev vim yog nws ua tsis tau raws li wb txoj kev npau suav thiab kev cia siab uas wb hais coj tseg thawm ub....
Vim yog nws tau dhua mus ua luag leej txiv lawm...tu kuv siab heev, kuv xav quaj los suab tsis nros, chim chim lub siab twb hais tsis tau ib lo lus zoo foom rau nws lub neej tshiab....kuv lub kua muag iab ntsws sis, kuv lub plawv yuav nras, hos txoj sia yuav tu...tsis pom qab yuav muab txoj pas mus xaus rau qhov twg....
Tau ob xyoo los no lawm, sov nws mus nyob li cas thiab lub neej mus nrog luag ua puas tsheej...nws puas tseem xav txog kuv me me thiab...wb txoj kev hlub ntau xyoo dhua los nws puas nkaws tau cia rau hauv siab thiab cim kuv tseg ua nws lub chaw nco thawm muaj kev nyuaj siab es muab coj los daws kom zoo siab....
Kuv tu siab heev tau tso nws mus, tiam sis kuv tsis chim thiab tsis ntxim nws, kuv ua tsuag ntau rau txoj kev hlub nws muab pub rau kuv ib zaug rau lub neej tiam no...es ntshe nws mus lawm es kuv yuav nco nco txog nws tshav ntuj nrig xwb os...
Ua tsaug nawb tus nus hmoob xeem tsab, rau txoj kev hlub zoo koj muab rau kuv ntau xyoo, nws yuav nyob ruaj kho rau hauv kuv lub siab...koj nciam kuv mus lawm tiag, es mus zoo koj nawb...vim yog wb nyob kev deb kev ncua ntev es thiaj muaj tus los tav wb txoj hau kev lawm os mog......
nasxus Admin
Posts: 1866 Points: 170 Join date: 2008-03-24
Subject: Re: dab neeg Mon Feb 23, 2009 9:57 pm
Toj xeem koj tau ib tus poj niam no zaj dab neeg no los tso rau peb tau nyeem. Zoo kawg nkau. cov neeg ua tsi xyua tom ntej tom qab es pom dheev xwb kawm ceev ceev ces yog txoj kev hlua dag yus ntag. Muab hai lo ma poj niam txoj kev ntseeg no nyob ntiav heev vim luag dag deev xwb los yeej quas hai tias tiag lawm. Txiv neej lub siab phem liam hiam ma nyob txij ntuj os.. thaum noj tag lawm ces ua txoj tsi paub leej twg lawm ma. haaaaaa.
nasxus.yeej yog li koj hais lawm mas.tsis hais poj niam los txiv neej tus lub siab xav li cas los muaj tus ho tau cog lus ruaj khov es ho tsis ua raws lus cog tseg los muaj li mas.
kuv ho piav txog kuv 1 tug muam kwv tij puag thaum ub nyob los tsuas teb nws yeej muaj zoo swm hluas nraug lawm tab sis muaj 1 tug yawg ntsuag muaj muaj nyiaj tuaj nqes tsev hais ces nws tsis kam mus lis niam txiv cia li muab yuam mus lawm.tam sim no tus yawm yij yawg ntsuag ntawd ho tuag lawm tsis kav mws lub neej.nws tuaj tham thiab piav tej laus tej kev lim hiam muab nws quab yuam mus yuav lawv nws lam mus ua neej laus li no los yeej tsis muaj txoj kev zoo siab li.thiab tseem tuaj kom peb cov neej cov tsav nco ntsoov txij hnub no lawm tom ntej mas txiav tu nrho tsis pub leej twg muab tub muab ntxhais quab yuam mus yuav tus uas nws tsis nyiam ntawd 1 zaum ntxiv li lawm.
nasxus Admin
Posts: 1866 Points: 170 Join date: 2008-03-24
Subject: Re: dab neeg Thu Feb 26, 2009 5:43 pm
Toj xeem,
Koj tham tau tus siab kawg,tej lau no peb tsi txhob coj li ntawd lawm o. Kuv muaj ib tus muam yog kuv tus muaj nrab kiag thaum xyoo 73 ntawd nws muaj li 15 xyoo lawm kuv niam lawv pheej tham hai tias cov niag yawg ntsuag ma lawv tuag dua poj niam lawm ces lawv thiaj li paub hlub no,kuv mus muaj tsi paub nws hnov kuv niam tham li ntawd ces nws cia li kam mus yuav ib niag yawg ntsuag niag yawg ntsuag ntawd yog Beev Muas Soob Ntxawg tam sim no Beev Muas tseem nyob tim Lav 52. Thaum yuav kuv tusmuam ntawd ces kuv tseem yau heev kuv tsi paub dab tsi li,tus muam mus yuav tus yawg ntsuag ntawd tau ib xyoo muaj ib tus ntxhai ces peb pib khiav, tus yawg ntsuag ntwd ntau kuv tus muaj thiab ncaws ma tau heev tiag li nawb. Muab kuv tus muaj cab los hlawv hauv qhov cub ua kuv tus muam tej chaws poj niam kub nyhiab tag. Kuv tus muam khiav tsawg zaus lov cov neej tsa yeej tsi pab kiag tsua yog yuam kom rov qab xwb. rov qab mus thaum tawg ces niag Beeb Muas ntawd rov ntau baum li ntawd. Tom qab xyoo 76/77 ntawd ces tus muaj twb muab tus ntiag Beev ntawd 2 tus menyuam lawm ho tseem muaj ib plab yuav yug.
Tus muam thiab nkawv rov tsi sib haum ces niag Beev muas ntawd muab tus muam nrauj lawm ces tus muam ho mus nrog cov nus kwv tiaj thiab cov tej laug cov tub nyob ua zej ua zo. Muaj ib hnub tus muam yuav tau menyuam ces cov kwv tijj hai tias nws yog ib tug ntxhai qua nyob tsi tau rau hauv lawv tsev thiab yug tsi tau menyuam rau hauv lawv tsev no ces thiaj li yuav thaiv ib lub caum tsev rau nyob. Thaum zoo li no lawm kuv yawm yij hmoob lauj hus ua Zam Huas lauj thiaj li paub thiaj li tuaj nqia tsev hai, tus muam tsi kam yuav tab tsi cov kwv tij ntsaw nyiaj heev ces muab tus muaj yuam rau yuav lawm tab si tus muam tsi muaj neej tsa txheeb vim peb khiav tuaj rau usa no tag lawm ,tus muam ua tsi tau tes thiaj li mus yuav tus yawm yij tam sim no. Tus yawj yim ma twb lau kuv txiv lawm ma. Kuv tus muam ma tseem hlua li nws tus ntxhai ntxawm xwb thiab. Yog li kuv tus muaj yug menyuam tag nws tsi nyiam ces nws pib khiav khiav los khiav tsi dim ua rau tus menyuam ntawd mob mob ces ua ib siab ruam tsi paub hai lus li lawm.
Tam sim no nws los yus tua tus yawm yij hmoob lauj 6/7 leej menyuam lawm. Tus tub hlob muaj 26 xyoo lawm thiab ho tus yawm yij ces ze 80 xyoo lawm tus yawm yij muab stroke ces niam hnub no kuv tus muaj tseem tus das quav das zi xwb. Txoj kev muab lwm tus ua luag tsi nyiam yuam mus yuav tus neeg nws tsi nyiam no ma thov peb txhob ua ib zaug lawm os. Lub caij ntawd kuv tseem tsi tau tiav txiv neej yawg. Yog kuv zoo li tam sim no ma tej zaum kuv tus muam yuav tsi txom nyem baum li no. Thiab kuv tus siab rau cov kwv tij ua tsi paub hlub luaj lawm tus neeg ua tsi ntxheeb ze rau nws. Qhov no ma kuv yuav tsi nov qab cov neeg no kiag. Muaj ib hnub kuv ntsib kuv tseem yuav tawm tsam kom kawg pauj kev ntsim siab rau.
Wow, hnub no kuv tuaj pom nej kuj sau lus tau tsheej phab tsheej pheev zoo nyeem kawg li os.
Txhob cem cem tej me laus tawv os vim muaj luag es yus thiaj muaj qhov me chaw thuv zoo li tes me tsau thuv es thiaj pom kev deb. Txawm zoo li cas los luag yeej muab qhov zoo tag rau yus lawm os. Hahahahahahahahahahahaha
Naxus, kuv nyiam tus pog no cov nkauj kawg li thiab os. Kuv mus nrhiav video hauv Esnips tsis pom li es tshe yuav tsum yog yus ua member thiaj mus nrhiav tau pob?
nasxus Admin
Posts: 1866 Points: 170 Join date: 2008-03-24
Subject: Re: dab neeg Sat Mar 07, 2009 8:39 am
Yog ma Nce, tus ntxhai no zoo kawg li thiab tiag tab si yus tsi tau ces kawg nyiam a kaj xwb os yuav tsi muaj qhov tseeb li lawm os. Nws thiab Lis Xyooj lawv ua ib khabnab ces cov music no yog Lis Xyooj Cov Lis Xyooj train tus ntxhai no hus rau Lis Xyooj xwb. Qhov tiag ces luag muab nws train los khwv rau lawv noj xwb. Tej tug no ma txim yog u tau nrog ua kes no tej zaum u yuav happy thiab os.
_________________
Guest Guest
Subject: Re: dab neeg Sat Mar 07, 2009 3:31 pm
Nyob zoo Naxus,
Txhob hais li koj nawb. Tsam koj txog tim ub Nkauj Hnub lauj cia li tuaj tos koj laiv.
Kuv yeej nyiam lawv tej video kawg li os zaj twg los yeej seev tau txaus siab kawg li.
Naxus, kuv muab koj piv kiag tias koj yog tus hluas hauv no daim video no nrog nkauj hnub lauj lawm ntag nawb.....saib tau.
Home 
Search 
Register 
Log in 
Subject: dab neeg 
Mon Feb 23, 2009 11:08 am
