"Zoovkaim Phab thiab Txiajlooj Vwj"

Admin Posts: 85 Points: 25 Join date: 2008-04-07

Kuv yuav piav txog Hmoob kev khiav Suavteb qho mejis ntawm qee pab Hmoob los rau Lostsuas teb, txuas rau Zoovkaim Phab thiab Txiajlooj Vwj nkawv lub neej rau sawvdaws tau khaws tseg.

PEEV LUS

Cov keebkwm hais rau hauv Zoovkaim Phab thiab Txoojlooj Vwj nkawv lub neej no, yuav piav txij Hmoob khiav Suavteb los rau Lostsuasteb, Thaibteb thiab lwm lub tebchaws, xwsli America, Canada, Australia thiab Fabkis xwb.

Hmoob khiav los rau av Lostsuas tau li 200 tawm xyoo lawm. Kev Hmoob khiav los rau Lostsuavs teb yuav sib txawv vimtias muaj cov khiav los uantej, cov khiav los nruab nrab thiab cov khiav los thaum kawg. Pab khiav los tsis jib kev sib ntaus sib tua los muaj. Pab xuas ntaj xuas riam tivthaiv cov Suav caum Hmoob tua los muaj.

Yog muab xav ces zooli thaum Hmoob khiav Lostsuas teb tuaj rau Thaibteb thiab mus rau lwm lub tebchaws tomqab xyoo 1975 uas tebchaws Lostsuas poob rau Koossam tswjfwm.

Uantej bluav rog Vaj Pov, kwvyees li 1959, peb Hmoob nyob rau tebchaws Lostsuas yeej txawj ntawv tsis coob. Vim lino, peb thiaj sau tsis tau peb Hmoob tej txiajjig tau tsim muaj tseg rau lub tebchaws, Huabtais Lostsuas thiab tej nomtswv tswjfwm lub tebchaws peb nyob rau ntiajteb paub. Peb haiv Hmoob tau muaj txiajig ntau yam tseemceeb tsimnyog yuav sau khaws tseg ua livxwm qhia rau peb tej tubki mus rau xeebleej xeebntxwv yam pemsuab, thiab qhia rau ntiajteb paub tias Hmoob tsis yog ib haiv neeg phem.

Hmoob hlub Hmoob haiv neeg, cov neeg lub tebchaws Hmoob nyob, thiab tsoom nomtswv los rau Huabtais Lostsuas uas zoo tam li lub kaus roos tshav rau cov pejxeem huabhwm, thiab peb nyiam kev ywjpheej.

Peb Hmoob nyob tebchaws Lostuas muaj coob tus tau tsim kev zoo thiab muaj txiajjim rau tseemfwv thiab Huabtais Lostsuas. Tabsis neeg ntiajteb tsis paub vim tsis muaj tus sau rau hauv ntawv tseg qhia rau neeg ntiajteb. Txawm muaj lwm haiv neeg sau qho mejis los luag tsis qhia lub jiab tseeb hauv Hmoob lub neej, Hmoob txoj kev ua zoo, hlub lub tebchaws thiab hlub Huabtais Lostsuas. Hais yam twg los luag hais qhov luag yeej thiab tau qhov zoo xwb. Yam phem, luag muab xyeeb rau Hmoob ris.

Zoovkaim Phab thiab Txiajlooj Vwj nkawv yog ob tug qub nom tswjfwm Hmoob nyob rau sab tebchaws nkawv tswjfwm, nyob hauv Huabtais Lostsuas tus duab thiaj hwjchim. Nkawv tau muaj txiajjim thiab kev pab rau txoj kev tivthaiv kev rhuavtshem ntawm lwm haiv neeg uas muaj lub siab yuav rhuav tshem thiab tsim kev puasjoog rau lub tebchaws thiab Huabtais Lostsuas. Peb haiv Hmoob tau pab lub tebchaws thiab Huabtais Lostsuas muaj coob heev, tabsis hauv no tsuas tham txog cov sib tham sau tseg hauv cov lus no xwb, vim paub tsis txhij txhua.

Lub zimtxwv nkawv ua neeg nyob, nkawv kuj pom peb Hmoob qee pawg txoj kev tsis sib haumxeeb, kev lim-hiam ib tug ua rau ib tug, ib pab ua rau ib pab, kev sib txeeb liajia tebchaws, kev sibtxeeb pojniam lossis hluasnkauj thiab kev sib txeeb ua nom ua tswv.

Zookaim Phab thiab Txiajlooj Vwj nkawv yuav paub tsis tag txhua yam xwmtxheej tshwmsim rau Hmoob lub neej sijhawm nkawv tshwmsim los ua neeg. Muaj qee yam, nkawv pias raws li qhovmuag pom thiab tau ua los. Qee yam, tham raws tau hnov ntawm tej lausneeg thiab kwvtij phoojywg tau hais tseg. Tej lus nkawv tham sau tseg no, muaj tseeb baum licas ntawd, qhib qhovrooj tseg rau sawvdaws tshawbnrhiav mus ntxiv.

June 6, 2009

Admin Posts: 1866 Points: 170 Join date: 2008-03-24

Koj pua muaj cov audio thiab ma? yog koj muaj es ua saib pua record tau rau hauv PC ces send to me and I will up load to the music site to get embed coj lo tso rau peb mloog ma?

_________________

Admin Posts: 85 Points: 25 Join date: 2008-04-07

Kuv muaj nkawv cov suab thiab duab sib tham, tabsis kuv tsis muaj cuabyeej kaw tau rau hauv cd or computer. (Kuv tsis tau kaw dua). Tuaj txog kuv tsev wb mam sib tham saib yuav uacas zoo.

QQabmib Posts: 43 Points: 49 Join date: 2009-05-22

Vajhuamsibluag wrote:

Kuv muaj nkawv cov suab thiab duab sib tham, tabsis kuv tsis muaj cuabyeej kaw tau rau hauv cd or computer. (Kuv tsis tau kaw dua). Tuaj txog kuv tsev wb mam sib tham saib yuav uacas zoo.

Tsi paub hai tias lub microphone thiab qhov time ntawm PC pua ntev tau kaws tag cov lus xwb lau. Kuv tsi tau sim dua thiab raws li qhov yooj yim ces yog hauv lub pc nws muaj qhov record lawm ces koj play cov lus hauv lub tape xwb thaum play tag lawm koj mam li save lub file xwb ces thaum no nws yee kaws tau lawm xub. Cia kuv hnug kuv ib tus tub saib nws pua paub record?